ЎЗ
Huquqiy

Avtomobil rasmiylashtirish narxi

Yangi yoki ishlatilgan avto — ro'yxatdan o'tkazish, raqam, texpasport va notarius xarajatlarini hisoblang.

Qisqacha

Avtomobil rasmiylashtirish kalkulyatori — yangi yoki ishlatilgan avto, yoqilg'i turini tanlang. Ro'yxatdan o'tkazish, texpasport, davlat raqami, ishlatilganda notarius xarajatlari — BHM 440 000 so'm asosida hisoblanadi.

Yangilangan: 2026-10-22
Oxirgi tekshiruv: 26.09.2026 · BHM 440 000 so'm (PF-115, 1.09.2026 dan)
  1. Yoqilg'i turi, yili va raqam turini tanlang.
  2. Kerakli xizmatlarni belgilang.
  3. Davlat boji va jami narx chiqadi.
1. Avto turi
Yangi avto
(salondan)
Ishlatilgan
avto
Aniqlashtirish (raqam, sayyor xizmat, notarius va h.k.) ▾
so'm

km

Birinchi 10 km bepul, keyingi har bir km uchun 0,05 BHM qo'shiladi.

2026-yil 1-apreldan 10 yildan oshmagan avtolar oldi-sotdisi eskrou orqali amalga oshiriladi.

Yaqin qarindoshlar: xotini (eri), mulkdorning va xotinining (erining) ota-onasi, bolalari va ularning er-xotinlari, nabiralari, buvilari, buvalari, aka-ukalari va opa-singillari. Jiyan, amaki, tog'a, xola, amma va boshqalar bu ro'yxatda yo'q.
%

Qoldiq foizni baholovchi tashkilot dalolatnomasi belgilaydi — kiritilmaguncha notarius davlat boji hisoblanmaydi.

ta

Gerbli blank tomonlar xohishiga ko'ra; tanlanmasa gerb yig'imi olinmaydi.

so'm

Davlat ulushi bor banklarda avtomobil bo'yicha 0,25 BHM (110 000 so'm) dan oshmaydi; boshqa banklar o'z tarifini belgilaydi. Misol: Hamkorbank tarifida (11.06.2026 dan) eskrou ochish bepul, mablag' kiritish 0,25 BHM, kassadan olish bepul — bu faqat misol, standart emas.

so'm
Ma'lumot 2026-yil avgust holatiga ko'ra

Qanday hisoblanadi

Yangi avtoni ro'yxatdan o'tkazish (my.gov.uz 985-xizmati bo'yicha) — 6,84 BHM (elektromobil/gibrid uchun 1,5 BHM), ro'yxatdan o'tkazilganlik guvohnomasi (texpasport) — 1,4 BHM, oddiy davlat raqami — 10,5 BHM. 2303-son IIV buyrug'ining 23.12.2024 tahririda raqam uchun 3,5 BHM va texpasport uchun 0,7 BHM ko'rsatilgan; 2026-yildan raqam berish tartibi 562-son VMQ bilan o'zgargan, shuning uchun sayt my.gov.uz'dagi amaldagi qiymatdan foydalanadi.

Egasi almashganda (ishlatilgan avto oldi-sotdisi) xuddi shu ro'yxat stavkasi qo'llanadi — bu 683-son qaror (1-ilova, 12-band 'v') va 2303-son tarifga 2303-5-son buyruq bilan qo'shilgan 7¹-band asosida (31.03.2024, 01.04.2024 dan kuchda) tasdiqlangan.

Ishlatilgan avto oldi-sotdisida notarial tasdiqlash uchun davlat boji — 3 BHM (yaqin qarindoshlarga 5%, bank krediti hisobidagi avtoga 10%), shuningdek notarius xizmatlari (gerb yig'imi, hujjat loyihasi, tushuntirish, taqiqlanmaganligini va ijro qarzdorligini tekshirish) — e-notarius.uz rasmiy kalkulyatori bo'yicha.

Muhim muddatlar va qoidalar

Notariusga olib boriladigan hujjatlar

Jismoniy shaxsdan avto sotib olishda (manba: e-notarius.uz):

  • Shaxsni tasdiqlovchi hujjat (pasport, ID-karta yoki haydovchilik guvohnomasi)
  • Transport vositasini qayd etish guvohnomasi (texpasport)
  • Agar mulk er-xotinning birgalikdagi mulki bo'lsa — er (xotin)ning notarial tasdiqlangan yozma roziligi (meros, hadya yoki nikohdan oldin olingan mulkka talab qilinmaydi)
  • Avto garovda bo'lsa — garovga oluvchining roziligi
  • Vasiylikdagi shaxs nomidan — vasiylik va homiylik organining ruxsati
  • Texpasport meros guvohnomasi asosida berilgan bo'lsa — meros huquqi guvohnomasi (asli); merosxo'rlar bir nechta bo'lsa — barchasi yoki vakillari ishtirok etadi
  • Avto kredit hisobiga olinayotgan bo'lsa — kredit shartnomasi nusxasi
  • Imtiyozli boj uchun — qarindoshlikni tasdiqlovchi hujjatlar
  • Bitim vakil orqali tuzilsa — ishonchnoma (Vakolat.uz orqali rasmiylashtirilgan bo'lsa, qog'oz nusxasi shart emas)
  • Avto yo'l-transport hodisasida shikastlangan bo'lsa — sud-ekspertiza xulosasi

Manbalar

Savol-javob

Yangi avtoni ro'yxatdan o'tkazish narxi qancha?

Davlat ro'yxatidan o'tkazish — 6,84 BHM (elektromobil/gibrid uchun 1,5 BHM), ro'yxatdan o'tkazilganlik guvohnomasi (texpasport) — 1,4 BHM, oddiy davlat raqami — 10,5 BHM. BHM 440 000 so'm bo'lganda bu my.gov.uz 985-xizmati bo'yicha amaldagi stavkalar.

Ishlatilgan avto sotib olsam, qancha to'layman?

YHXXga xuddi yangi avtodagi kabi to'lovlar (ro'yxat, texpasport, raqam) — bu holatda ro'yxat stavkasining qo'llanishi normativ talqin sifatida belgilangan. Bundan tashqari, oldi-sotdi shartnomasini notarial tasdiqlash uchun davlat boji (3 BHM, yaqin qarindoshlarga 5%, kredit hisobidagi avtoga 10%) va notarius xizmatlari (gerb, hujjat loyihasi, tekshiruvlar) to'lanadi.

Elektromobil yoki gibrid uchun ro'yxat qancha turadi?

1,5 BHM — oddiy (benzin/dizel/gaz) avtoning 6,84 BHM stavkasiga nisbatan ancha arzon.

YHXX xodimini uyga chaqirsam bo'ladimi?

Ha, my.gov.uz 985-xizmati orqali sayyor xizmat buyurtma qilish mumkin (faqat yangi avto uchun): 1 kun ichida 4 BHM, 3 kun ichida 3 BHM, 5 kun ichida 2 BHM. Yetkazib berish manzili 10 km dan oshsa, har keyingi km uchun 0,05 BHM qo'shiladi.

10 yildan eski bo'lmagan avtoni sotib olsam, pulni qanday to'layman?

2026-yil 1-apreldan ishlab chiqarilganiga 10 yildan oshmagan avtolar oldi-sotdisida hisob-kitob bank orqali (eskrou hisobvarag'i) amalga oshiriladi — notarius shartnomani tasdiqlashdan oldin pulning yetarli ekanini bank orqali elektron tekshiradi, tasdiqlangach bank pulni sotuvchiga o'tkazadi.

Jismoniy shaxsdan avto sotib olsam, qanday hujjatlar kerak?

Shaxsni tasdiqlovchi hujjat, texpasport, kerak bo'lsa er/xotin roziligi yoki boshqa maxsus hujjatlar (garov, vasiylik, meros) — to'liq ro'yxat yuqorida, manba e-notarius.uz.

Qarindosh va kredit imtiyozi birga qo'llanadimi?

Ha, ko'paytiriladi: 3 BHM × 0,05 (qarindosh) × 0,10 (kredit) = 6 600 so'm. Manba: e-notarius rasmiy kalkulyatori (2026-09-26 sinovi).

Halokatda shikastlangan avtoning davlat boji qanday hisoblanadi?

Amal qilish qoldiq foiziga mutanosib: masalan begona shaxs + qoldiq 10% bo'lsa, 3 BHM × 10% = 132 000 so'm. Qoldiq foizni notarius emas, baholovchi tashkilot dalolatnomasi belgilaydi.

Bu kalkulyator natijasi rasmiymi?

Yo'q, bu faqat taxminiy hisob-kitob vositasi. Aniq summani YHXX yoki notarius invoysida tekshiring.

Barcha kalkulyatorlar
Kalkulyator yoki shablon kerakmi?
Yangi kalkulyator, hujjat shabloni yoki xato — yozing, tez tayyorlaymiz.
Telegram