ЎЗ
Kundalik hayot

KalkiFit — kaloriya, ovqat va qadam ilovasi

Kunlik me'yoringizni biling, ovqat va qadamni oson yozib boring. Bepul, ro'yxatdan o'tmasdan, o'zbek taomlari bilan.

KalkiFit nima va nimaga kerak?

KalkiFit — kaloriya, ovqat va qadamni kuzatish uchun bepul ilova. Jinsingiz, yoshingiz, bo'yingiz, vazningiz va kundalik faolligingizni kiritasiz, ilova kunlik kaloriya me'yoringizni hisoblaydi. Ovqatni 250 dan ortiq mahsulotli bazadan tanlab yozasiz — osh, somsa, manti, lag'mon kabi o'zbek taomlari ham bor. Suv stakanlari va telefondagi qadam sonini ham belgilaysiz. Ro'yxatdan o'tish shart emas, ma'lumot telefoningizda saqlanadi, asosiy funksiyalar internetsiz ham ishlaydi. AI funksiyalari (matn, rasm, ovoz) va bulutga saqlash — faqat siz ishlatganingizda internet orqali. Faqat kaloriyani bir martalik hisoblash uchun kaloriya kalkulyatori bor.

Kunlik kaloriya me'yori qanday hisoblanadi?

Ilova Mifflin–St Jeor formulasidan foydalanadi: tinch holatdagi sarf (BMR) faollik koeffitsientiga ko'paytiriladi (TDEE), so'ng maqsadingizga qarab kamaytiriladi yoki ko'paytiriladi. Misol: 30 yoshli erkak, 175 sm, 80 kg, o'rtacha faol — BMR 1 749, TDEE 2 711 kkal; haftasiga 0,5 kg kamaytirish uchun kuniga 2 161 kkal. Xavfsizlik uchun me'yor ayollarda 1 200, erkaklarda 1 500 kkaldan pastga tushirilmaydi. Asosiy raqamga bossangiz, hisob qadamma-qadam ko'rinadi.

Qadam kaloriyasi qanday hisobga olinadi?

Telefondagi jami qadam sonini yozasiz. Masofa qadam soni va qadam uzunligidan (bo'y × 0,414) topiladi, kaloriya — yurish (MET 3,5) bo'yicha hisoblanadi. Faollik darajangizdagi odatiy qadam soni (4 000 dan 13 000 gacha) me'yorga allaqachon kiritilgan, shuning uchun kaloriya faqat shu chegaradan ORTIQ qadamlar uchun va to'liq sof qiymatda ((3,5 − 1) × vazn × soat) qo'shiladi; chegaradan kam bo'lsa 0 qo'shiladi va me'yor kamaymaydi.

Ovqat qiymatlari qanchalik aniq?

Qiymatlar 100 g uchun taxminiy: USDA va ochiq jadvallar hamda o'rtacha uy retseptlari asosida. Retsept va porsiyaga qarab o'zgaradi, shuning uchun bunday taomlar «taxminiy» deb belgilangan. Kerak bo'lsa, o'z taomingizni kaloriyasi bilan qo'shing.

Ma'lumotlarim xavfsizmi va bu tibbiy maslahatmi?

Ovqat, vazn va profil yozuvlari shu qurilmada saqlanadi (bulutga saqlashni yoqsangiz — shifrlangan holda). AI funksiyalarini (matn, rasm, ovoz, retsept) ishlatganingizda kerakli matn, rasm yoki ovoz tahlil uchun yuboriladi va saqlanmaydi; batafsil — Maxfiylik siyosatida. Bu tibbiy maslahat emas: 18 yoshgacha, homiladorlik va emizish davrida yoki vazn juda kam bo'lsa, ilova dieta hisoblamaydi va shifokor bilan maslahatlashishni so'raydi.

Kalkulyator yoki shablon kerakmi?
Yangi kalkulyator, hujjat shabloni yoki xato — yozing, tez tayyorlaymiz.
Telegram

KalkiFit — taxminiy hisob-kitob uchun yordamchi, tibbiy maslahat emas. Sog'liq masalasida shifokor bilan maslahatlashing.